EINSTÖK EIGN! - FJÖLSKYLDUVÆN 147 FM ÍBÚÐ Á TVEIMUR HÆÐUM Á ÞESSUM EFTIRSÓTTA STAÐ.

Samkvæmt skráningu Þjóðskrá Íslands er birt flatarmál eignarinnar 131,9 fm.

Um er að ræða átta herbergja íbúð á 2. hæð og rishæð í virðulegu steinsteyptu þríbýlishúsi byggðu árið 1928 á rólegri einstefnugötu í hjarta Reykjavíkur, upprunalega hannað af Guðmundi H. Þorlákssyni, forsmiði og byggingarmeistara.
Gengið er um sameiginlegt anddyri/stigagang með neðri hæðinni, komið er inn í lítið hol/gang með fatahengi og skáp. Til vinstri er gengið inn í stofurnar sem eru þrjár, tvær stofur og borðstofa. Úr borðstofunni er gengið inn í eldhúsið. Til hægri á gangi er hjónaherbergið og lítil snyrting, einnig er þar gengið inn í eldhúsið. Gengið er út á suðaustur svalir úr stofunni. Góður stigi er upp á efri hæð eignarinnar í enda eldhússins, kústaskápur undir stiga. Á efri hæðinni, sem er rishæð hússins eru nú þrjú rúmgóð svefnherbergi, baðherbergi, gangur og sjónvarpshol sem áður var herbergi og hægt væri að breyta aftur í herbergi. Uppgefnir fermetrar frá HMS eða Þjóðskrá Íslands er skv. gamalli skráningu og er eignaskiptayfirlýsing gömul. Búið er að setja upp nýja skráningatöflu með nýjum teikningum af húsinu með uppfærðri fermetratölu skv. nýjum stöðlum sem skráðir yrðu með nýrri eignaskiptayfirlýsingu. Skv. nýju fermetratölunni er risið skráð 47,8 fm. en innanmáls gólfflötur hæðarinnar er um 55 fm.

2. hæð:
Gangur/hol: Bæði fatahengi og skápur, dúkur á gólfi.
Stofur/borðstofa: Gegnheilt parket á gólfum og rúmgóðar. Tvær stofur og gengið er út á suðaustur svalir úr stærri stofunni. Borðstofan er einnig mjög rúmgóð, rennihurð er inn í borðstofuna úr stofunum. Innangengt í eldhúsið.
Eldhús: Nýleg innrétting og tæki, glæsileg með miklu skápaplássi. Spanhelluborð, innbyggð uppþvottavél, ísskápur og frystir. Barborðkrókur og korkparket á gólfi. Stigi upp á rishæðina, kústaskápur undir stiga.
Hjónaherbergi: Dúkur á gólfi og rúmgott, góðir fataskápar.
Salerni: Handlaug, flísar á gólfi og gluggi.

Rishæð:
Svefnherbergi: Þrjú rúmgóð svefnherbergi, dúkur á tveimur og harðparket á þriðja. Gott skápa- og geymslupláss er undir súð í herbergjunum.
Baðherbergi: Flísar á gólfi og veggjum, baðkar og innrétting við handlaug, gluggi og tengi fyrir þvottavél. 
Sjónvarpshol: Opið rými með korkparketi á gólfi, hægt væri að loka og bæta við einu herbergi í viðbót. 
Gangur/rými við stigagang: Korkparket á gólfi og geymsluskápar undir súð.

Sér rúmgóð geymsla fylgir íbúðinni í kjallara með sérinngang og glugga, einnig er sameiginlegt þvottahús í kjallara. Lóðin er sameiginleg eignarlóð.

- Ljósleiðari komin í íbúðina.
- Að sögn eigenda hefur húsið fengið reglubundið viðhald í gegnum árin en búið er að endurnýja skolplagnir og drena, einnig þak ásamt þakgluggum. Árið 2014 var suðurhliðin sprunguviðgerð og múruð.

Frábær fjölskylduvæn íbúð á einstökum stað á Skólavörðuholtinu þar sem stutt er í miðbæinn, verslun, veitingastaði og menningarsvæði. Stutt í skóla, leikskóla, leiksvæði og almenningsgarða.

Allar nánari uppl. og skoðun veitir: Jóhann Friðgeir, lgf. GSM: 896-3038  e-mail: [email protected]