Aðalgata 7, Stykkishólmur

Verð 0

TegundEinbýlishús Stærð260.40 m2 5Herbergi 2Baðherbergi Sérinngangur

Óskað er eftir tilboði í eignina

 

Um er að ræða sögufrægt hús frá 1896 sem stendur á mjög góðum stað í miðbæ Stykkishólms. Viðbygging er við húsið frá um 1950 og býður hún uppá mikla nýtingarmöguleika. Sýslumannshúsið sem er frá 1896 hefur verið endurnýjað frá grunni nema burðagrind hússins sem er upprunaleg og er hún mjög sýnileg innandyra.  Einnig er um að ræða þrjár lóðir sem eru umhverfis húsið, samtals 2.546 m2.Búið er að fá leyfi bæjaryfirvalda á að byggja 4 íbúða hús á Aðalgötu 9. Húsið og lóðirnar standa á besta stað í miðbæ Stykkishólms og bjóða uppá mikla möguleika til dæmis tengda ferðaþjónustu. Lóðrinar umhverfis húsið eru ekki hluti af ásettu verði, en möguleiki er á að kaupa þær einnig.

Sýslumannshúsið:

Húsið er á tveimur hæðum. Á neðri hæð hússins er glæsilegt eldhús, stofa, forstofa og stórt herbergi. Veggir eru ýmist klæddir með kúlupanil og gipsi. Gólfefni hefur endurnýjað og voru sett furugolfborð og þau meðhöndluð þannig að þau líkist sem gömlum borðum. Á efri hæð eru þrjú stór svefnherbergi, baðherbergi og sjónvarpshol. Fataherbergi er inn af hjónaherbergi.Gömlu gólfborðin voru slípuð upp og lökkuð. Glæsilegur stígi er á milli hæða.Allir rofar og tenglar eru í gömlum stíl. Gluggar hafa verið endurnýjaðir og voru þeir smíðaðir nákvæmlega eftir upprunalegu gluggunum. Á efri hæðinni voru settir nýir ofnar en á neðri hæðinni voru gömlu ofnarnir sandblásnir og lakkaðir. Ný klæðning er utan á húsinu og var hún unnin eftir upprunalegu klæðningunni sem kom í ljós þegar pússning hafði verið tekin af þegar húsið var endurbyggt.

Viðbygging:

Viðbyggingin sem er staðsteypt er samtals 109 m². Í henni voru skrifstofur Sýslumannsins í Stykkishólmi til ársins 2000. Þessi hluti hússins þarfnast töluverðar endurnýjunnar en býður uppá mikla nýtingarmöguleika og er búið að teikna 3. herbergja íbúð í viðbygginuna, fyrir aftan húsið væri möguleiki að setja stóra verönd og skemmtilega aðstöðu með heitum potti. Hitaveita er á staðnum.

 

„Í brekkunni fyrir sunnan og austan Votahvamm stóð Sýslumannshúsið, háreist, svipmikið og glæsilegt, hvítt með stórum gluggum og rauðmáluðu þaki,“ skrifar Bragi Straumfjörð Jósepsson í bók sinni Eitt stykki Hólmur sem kom út árið 2006. Davíð Scheving Thorsteinsson sem þá var héraðslæknir í Stykkishólmi flutti húsið inn tilhöggvið frá Noregi og lét reisa það árið 1896. Það var læknisbústaður og sjúkrahús þar sem ekkert slíkt var þá í Hólminum. Sem slíkt gekk húsið undir heitinu Læknishúsið fram til 1931 að það varð bústaður sýslumanns. Eftir það var það ýmist kallað Sýslumannshúsið, Breiðablik eða Sigurhæðir. Næstu 69 árin varð það aðsetur sýslumannsembættisins í Stykkishólmi. Því skeiði lauk þegar sýslumannsskrifstofurnar voru fluttar í nýbyggingu aldamótaárið 2000. Síðan hefur þetta gamla og virðulega hús verið nýtt sem íbúðahús.

 

https://www.facebook.com/gullibyggir/posts/762576060463783

Allar nánari upplýsingar veitir Ásmundur Skeggjason fasteignasali, asmundur@hofdi.is, Gsm 895 3000.-  eða  Brynjar Baldursson s: 698-6919  brynjar@hofdi.is


í vinnslu