Frakkastígur 12A, Reykjavík


TegundFjölbýlishús Stærð80.30 m2 3Herbergi 1Baðherbergi Sameiginlegur

Mjög hugguleg og einstaklega björt 3ja herbergja íbúð á 3. hæð við Frakkastíg í Reykjavík. Íbúðin sjálf er á tveimur hæðum, samtals 80,3 fm. með geymslu. Eigninni fylgir stæði í bílastæðahúsi sem ekki er meðtalið í uppgefinni fermetratölu. Gengið er inn í íbúðina um sérinngang frá flísalögðum svölum. Skipt verður um ris- og eldhúsglugga í sumar á kostnað eiganda. Risgluggar verða stækkaðir til muna.

Neðri hæð: Forstofa með hengi (frá forstofu er gengið upp stiga til efri hæðar), stofa og borðstofa með útgengi á rúmgóðar suður svalir. Eldhús er opið við borðstofu með fallegri innréttingu og aukinni lofthæð, rúmgott svefnherbergi með skápum, baðherbergi með upphengdu salerni, baðkari, innréttingu við vask og flísum á veggjum. 

Efri hæð: Um er að ræða opið rými, að hluta til með góðri lofthæð. Efri hæðin er öll undir súð þ.a. gólfflötur er stærri en opinber skráning gefur til kynna. Í dag er hæðin notuð sem stofa og sjónvarpsrými en hefur líka verið nýtt sem svefnherbergi með fataherbergi.

Gólfefni:  Á gólfum neðri hæðar eru flísar á forstofu og baðherbergi, viðarparket er á öðrum rýmum, sem og á gólfi efri hæðar.
 

Viðhald: Árið 2016 var gert við bílskúrsþak. Bílgeymsla máluð að innan 2017 og skipt um innréttingu á baði. Árið 2014 var skipt um flest gler í íbúðinni. Árið 2006 var íbúðin sjálf öll tekin í gegn, skipt var um innréttingar, gólfefni, hluta rafmagns og flesta ofna.
 

Eigninni fylgir stæði í snyrtilegri bílgeymslu með þvottaaðstöðu og rúmgóð geymsla með hillum í kjallara. Húsið sjálft lítur vel út og samkvæmt yfirlýsingu húsfélags er ekkert viðhald fyrirhugað. Sameign hússins er snyrtileg, gólf eru máluð og flísalögð. Í sameign er sameiginlegt þvottahús með sameiginlegum vélum og þurrkaðstöðu, í sameign er einnig sameiginlegt gufubað, sturtuaðstaða og salerni. 

Fjölbýlið við Frakkastíg 12A í Reykjavík er þriggja hæða hús auk rishæðar, með 16 íbúðum, byggt árið 1981. 


Frekari upplýsingar veita: 

Kristinn Tómasson Viðskiptafr. MBA
Löggiltur fasteigna-, fyrirtækja- og skipasali.
Gsm. 820-6797, kristinn@hofdi.is 

í vinnslu