Rjúpnasalir 2, Kópavogur


TegundFjölbýlishús Stærð95.90 m2 3Herbergi 1Baðherbergi Sérinngangur

Falleg og vel skipulögð endaíbúð á 3. hæð með sér inngangi af svölum. Íbúðin er rúmgóð og björt með gluggum í öllum rýmum nema í geymslu. Íbúðin er í klæddu þriggja hæða húsi. Stutt er í alla þjónustu, íþróttir og skóla.

Komið er inn í flísalagða forstofu með ljósum flísum á gólfi og góðum skáp. Innaf forstofu er rúmgóð geymsla með flísum á gólfi. Hol er parketlagt. Stofa er parketlögð með útgang á svalir sem snúa í suður. Eldhús er með fallegri L-laga innréttingu með góðum efri og neðri skápum og flísum á gólfi. Tvö parketlögð svefnherbergi með fataskápum sem ná upp í loft. Baðherbergi er flísalagt með upphengdu klósetti, handklæðaofni, baðkari og sér sturtuklefa. Innrétting er undir vaski, hiti í gólfi og opnanlegur gluggi. Þvottaherbergi er innan íbúðar með opnanlegum glugga og flísum á gólfi. Í sameign er sér 2,4 fm geymsla sem fylgir íbúðinni. Sameiginleg lóð með leiktækjum.

Sérlega rúmgóð endaíbúð á 3. hæð í klæddu fjölbýli á þessum eftirsótta stað. Allar nánari upplýsingar veitir Ásmundur Skeggjason fasteignasali, asmundur@hofdi.is, Gsm 895 3000.-

í vinnslu